Omnis mundi creatura 
quasi liber et pictura 
nobis est, et speculum. 
Omnis mundi creatura 
quasi liber et pictura 
nobis est, et speculum. 
nostræ vitæ, nostræ mortis 
nostri status, nostræ sortis 
fidele signaculum 
Nostrum statum pingit rosa 
nostri status decens glosa 
nostræ vitæ lectio; 
quæ dum primum mane floret, 
defloratus flos effloret 
vespertino senio. 
nostræ vitæ, nostræ mortis 
nostri status, nostræ sortis 
fidele signaculum 
Cuius vita Cuius esse 
Pœna labor et necesse 
Vitam morte claudere. 
Sic mors vitam, risum luctus 
umbra diem, portum fluctus, 
Mane claudit vespere 
In nos primum dat insultum 
Pœna mortis gerens vultum 
Labor mortis histio 
Nos proponit in laborem 
Nos assumit in dolorem 
Mortis est conclusio 
Nostræ vitæ, nostræ mortis, 
nostri status, nostræ sortis 
fidele signaculum. 
Nostræ vitæ, nostræ mortis, 
nostri status, nostræ sortis 
fidele signaculum.