作词 : Sinn Sisamouth
 作曲 : Paul McCartney
 រាត្រី នេះសែនសប្បាយ អូនមើលហ្វូងផ្កាយ
 រះរាយពេញមេឃា ឱ្យស្រណោះៗដល់អនុស្សារ
 យើងបានរួមស្នេហា ដូចផ្ការីកថ្មី។
 រស្មី នៃក្ដីសង្ឃឹម ដូចភ្លៀងរលឹមរោយលើផែនដី
 មើលរលក បោកប្រដេញពេញជលស័យ ស្ដាប់សត្វបក្សី
 ស្ដីពីសង្ឃឹម។
 បើក្ដីសង្ឃឹមប្រែជាអភ័ព្វ
 ដូចថ្ងៃស្ងៀមស្ងប់ គ្មានសព្ទសំនៀងសាសង
 ឆ្លើយឆ្លងនៃធម្មជាតិ បើមេឃនៅតែមិនស្រទំ
 ដូចឃ្មុំគ្មានញាតិ បុព្វជាតិគ្មានគន្ធា ដូចផ្កាក្រៀមស្រពោន។
 សង្ឃឹម បងនៅតែមាន បើសិនកល្យាណ
 អូននៅតែញញឹម បើបុប្ផា បុប្ផានៅស្រស់ប៉ប្រិម
 ទោះមេឃខ្ពស់សន្លឹម ចិត្តនៅតែប្រាថ្នា។
 បើក្ដីសង្ឃឹមប្រែជាអភ័ព្វ
 ដូចថ្ងៃស្ងៀមស្ងប់ គ្មានសព្ទសំនៀងសាសង
 ឆ្លើយឆ្លងនៃធម្មជាតិ បើមេឃនៅតែមិនស្រទំ
 ដូចឃ្មុំគ្មានញាតិ បុព្វជាតិគ្មានគន្ធា ដូចផ្កាក្រៀមស្រពោន។
 ស្នេហាដូចទឹកហូរខ្ចាយ រស់ដូចហ្វូងផ្កាយ
 សប្បាយនឹងមេឃា ដួងព្រះចន្ទចាំងច្បាស់ឆ្លុះលើនភា
 ដែលសត្វលោកប្រាថ្នា ស្នេហាធម្មជាតិ។