作词 : 白玛旺毛
 作曲 : 智旺桑珠
སྨུག་ལང་ལིང་འཐིབས་པའི་ལུང་ཁུག་ཏུ།།
ངའི་ཨ་མྱེ་རྒན་པོའི་ལོ་རྒྱུས་ཡོད།།
འུར་ཁྲ་ཆུང་ཞིག་གི་རི་མོ་ལ།།
འབྲོང་དར་མ་འཚོས་པའི་རྣམ་ཐར་ཡོད།།
གླུ་ཨ་ལ་ལ་མོ་ངས་ལེན།གླུ་ཐ་ལ་ལ་མོ་ངས་ལེན།
འབྲོང་དར་མ་འཚོས་པའི་རྣམ་ཐར་ཡོད།།
ཆར་ཟམ་ཟིམ་འབབ་སའི་རྫ་འདབས་སུ།།
ངའི་ཨ་ཕྱི་རྒན་མོའི་གསང་བ་ཡོད།།
དཀར་འོ་མ་འཁྱིལ་བའི་མཚོ་འགྲམ་ནས།།
གཞས་མགུར་མ་འཐེན་པའི་གཏམ་རྒྱུད་ཡོད།།
གླུ་ཨ་ལ་ལ་མོ་ངས་ལེན།གླུ་ཐ་ལ་ལ་མོ་ངས་ལེན།
གཞས་མགུར་མ་འཐེན་པའི་གཏམ་རྒྱུད་ཡོད།།
སྔོ་གསིང་གསིང་ན་དམར་སྤང་གཞུང་དུ།།

ངའི་ཨ་ཁུའི་རྟ་ཕོའི་རྨིག་སྒྲ་ཡོད།།
རྐྱང་ཁ་དཀར་འདྲ་བའི་མདོ་ཕྲུག་ལ།།
ས་རྒྱ་བོད་བསྐོར་བའི་བང་ཁ་ཡོད།།
གླུ་ཨ་ལ་ལ་མོ་ངས་ལེན།གླུ་ཐ་ལ་ལ་མོ་ངས་ལེན།
ས་རྒྱ་བོད་བསྐོར་བའི་བང་ཁ་ཡོད།།
སྙིང་དམར་ཆུང་ཡིད་ཀྱི་གུར་ཁང་ན།།
ངའི་ཨ་ཕ་དམ་པའི་ཞལ་གདམས་ཡོད།།
སེམས་གངས་དཀར་དབུས་ཀྱི་སྒྲོམ་བུ་ལ།།
ངས་བུ་ལ་བཅངས་བའི་རེ་བ་ཡོད།།
གླུ་ཨ་ལ་ལ་མོ་ངས་ལེན།གླུ་ཐ་ལ་ལ་མོ་ངས་ལེན།
ངས་བུ་ལ་བཅངས་བའི་རེ་བ་ཡོད།།