《长生殿》之“密誓”
唐明皇：白驹荣 演唱
杨贵妃：谭玉真 演唱
伴奏：广州乐友联谊会乐队  广州市粤剧一团乐队
1957年3月录音

（明皇：南音）秋空夜永，碧汉无边，
今晚牛郎与织女，都正在庆团圆。

（贵妃：接唱）天上佳期，真堪羡，
（明皇：接唱）佢哋相逢，一夕啫，

都就便隔断了情牵，
你话怎比我哋人间，都多温暖咯，
试看唐王与妃子，我哋夕夕都有缘。

（贵妃：二黄）主上论双星，惹我思悄然，
纵使此情在人间，也不免终成恨怨。

（明皇：白）妃子，妃子呀，
（贵妃：白）主上。
（明皇：白）你想乜嘢唧係处。
（贵妃：白）我呀，
（接唱）想那牵牛与天仙，
虽是一年只得一度见，
但是佢恩情不朽万千年，
虽是我玉环，近日幸蒙宠眷，
又怕君恩难延，相对日久便生嫌。
（明皇：白）哦，你为咁样嚟忧心咩。

（贵妃：接唱）苍狗白云，难测人生幻变。

（明皇：白）你唔使忧心，
我同你讲句心里嘅说话吖。

（柳底莺）爱卿休起疑团，听孤心里言。
（贵妃：白）主上，你个心点呀。
（明皇：接唱）我爱卿个心係似蜜甜，
你应信为皇共你始终都心不变，
你无谓怨。
（贵妃：接唱）但愿永守今宵诺言，
又怕你明朝心又变。
（明皇：白）冇嘅。
（接唱）你睇下后宫三千，
我爱卿一枝秀艳，可以伴为皇偕凤鸾。
（明皇：白）你想下呀。
（贵妃：白）我想到喇，
有一次约我去百花亭赏雾，
原来挂住一个虢国夫人，
你就忘咗当天之约喇，
呢句就唔係你真心说话啦，主上。

（明皇：接唱）你无谓咁怀疑，
要明白我都一向未曾共佢有深厚嘅情谊。
（贵妃：白）我唔信啊。

（明皇：接唱）实情，实情。
（贵妃：接唱）真嘅，真嘅，
你解释此事，就算你完全冇偏啦，
但我不相信你心中再冇别恋。
（明皇：接唱）卿你莫因往事还有疑虑，
都话我情唔专，今天我话过心不变咯。
（白）吶，今晚夜半无人，
我同你对双星，密誓下。
（贵妃：白）谢主隆恩，七月七日长生殿，
（明皇：白）夜半无人私语时，
（贵妃：白）在天愿为比翼鸟，
（明皇：白）在地愿为连理枝。

（贵妃：接唱）但求毋忘是语，
又移情别向，今生今世情如并蒂莲，
更愿毋负我此心一点。
（明皇：接唱）总之你就无谓再多都有疑念，
我哋情爱比金更坚，
（贵妃：接唱）愿比天仙，恩情天长地远，
（合唱）此后人天永团圆。
（明皇：白）吶，咁你可以放心啦。
（贵妃：白）主上，

（滚花）君情虽是似海深，无奈人间福寿短，
怎比双星情不尽，银河相会年复年。
又怕他朝迟暮叹白头，眼底恩情难久远。

（明皇：接唱）想我位极至尊为人上，
何能共你得成仙。