作词 : Paolo Sofia/Giovanni Ruffo
作曲 : Paolo Sofia
Si’ arba, si’ tramontu, si’ culùri,
si’ tu la megghju luci di ‘sta vita,
si’ rosa ‘nta ‘nu pratu chjin’ ‘i hjùri,
cu petali chi pàrunu di sita.
si’ suli, si’ luna, tutt’ ‘i stigli,
‘nu mantu cu ricàm’ ‘i sentimentu,
‘na cuda di cométa ssi capìgli,
Ssu sguardu vali tutt’ ‘u firmamentu.
Bbàsam’ ancòra, bbàsami cchjù forti,
fa’ scrusciu cu ssi labra ‘nta ‘sta manu,
lapri ‘nta chistu cori tutt’ ‘i porti,
cu ‘na bbasàta portami luntanu.
Luntanu, ‘nta ‘nu mundu tuttu novu,
aundi tuttu pari ch’è ‘nu sognu,
ca chigliu chi perdìa, lu ritròvu,
bbàsam’ ancora, quandu ‘nda bisognu.
si’ jornu lucénti e notti scura,
si’ matìna carda e sir’ ‘e jélu,
tu si’ la fata chi tuttu culùra,
si’ chiglia striscia tra lu mari e cielu.
bàsam’ ancòra, bbàsami cchjù forti,
fa’ scrusciu cu ssi labra ‘nta ‘sta manu,
lapri ‘nta chistu cori tutt’ ‘i porti,
cu ‘na bbasàta portami luntanu.

Luntanu, ‘nta ‘nu mundu tuttu novu,
aundi tuttu pari ch’è ‘nu sognu,
ca chigliu chi perdìa, lu ritròvu,
bbàsam’ ancora, quandu ‘nda
bisognu.
bàsam’ ancòra, bbàsami cchjù forti,
fa’ scrusciu cu ssi labra nta ‘sta manu,
lapri ‘nta chistu cori tutt’ ‘i porti,
cu ‘na bbasàta portami luntanu.