作词 : 梁越玲
作曲 : 李哲藝


厝内面小弟小妹很多 我转去是予恁加夯枷
我伫高雄有生意通做 困苦的日子慢慢就会过

当时你欲嫁 阿爸有讲过一句话
你永远拢是阿爸上疼的序细
你如今为著这六个
做甲无日无暝
阿爸心裡真袂当过…… 

囡仔是我的向望 向望树仔渐渐会大欉

等待花开 就会回芳
我（妈妈）的心慢慢就会轻鬆
阿爸（阿公）你的查某囝会耐霜雪冻
你的孙生本就爱经过寒冬

请阿爸阿母心爱放
阮会平安 健康 满足过一世人
请阿爸阿母（阿公阿妈）心爱放
阮会平安 健康 满足过一世人