Oh, I here come to the low countrie
Och-on, och-on, och-rie!
Without a penny in my purse
Tae buy a meal tae me

It was na sae in the Highland hills
Och-on, och-on, och-rie!
Nae woman in this country wide
Sae happy was as we
For then I had a score o' kye
Och-on, och-on, och-rie!
Feeding on yon hills so high
And giving milk to me
And there I had threescore o' yowes
Och-on, och-on, och-rie!
Skipping on yon bonnie knowes
And casting woo' to me
I was the happiest of a' the clan
Sair, sair, may I repine
For Donald was the brawest man
And Donald he was mine
Till Charlie he cam' o'er at last
Sae far to set us free
My Donald's arm it wanted was
For Scotland and for me
Their waeful' fate what need I tell?
Right to the wrang did yield
My Donald and his country fell
Upon Culloden-field
Och-on, Och-on, O Donald O!
Och-on, och-on, och-rie!
Nae woman in this whole world wide
Sae wretched now as me