Día de sabat, mi madre,
la horica dando dos,
fuego salió al Agua Nueva
a la Torre Blanca quedó
fuego salió al Agua Nueva
a la Torre Blanca quedó

-Tando pobres como ricos,
todos seamos un igual.
ya quedimos arrastrando
por campos y por kislás.
ya quedimos arrastrando
por campos y por kislás.

-Mos dieron unos tsadires,
que del aires se volan.
Mos dieron un pan amargo,
ni con agua no se va.
Mos dieron un pan amargo,
ni con agua no se va.

-Las palombas van volando
haciendo estruición.
Ya quedimos arrastrando
sin tener abrigación.
Ya quedimos arrastrando
sin tener abrigación.