作曲 : MastaMic
作词 : MastaMic
  住喺香港　讲我有嘢想讲
 我每日都上网　网上自由讲
 网上　系穷人唯一可以讲嘢嘅地方
 平时我讲到口乾　都冇人听我讲
 因为香港　穷人永远帮有钱人开荒
 穷人永远系有钱人嘅金矿
 有钱人咁忙　忙住抢穷人嘅家当
 佢哋咬住我唔放　直至将我榨乾
 有人话　仇富系来自纯粹妒忌心
 妒忌啲有钱人　因为妒忌人哋有钱揾
 妒忌亦慢慢蚕食人心
 妒忌亦慢慢变成仇恨
 
 我想问　旣然有钱人揾嘅钱系取之於民
 有几个会本住企业良心　关心民生
 我再问　田生
 你而家义正严词　批评政丅府嘅扶贫措施
 咁点解当时　你唔支持　立法订立最低工资
 又有几间大公司对此表示过大力支持
 系商家眼中
 最紧要可以缩减开支
 最紧要系提高盈利数字
 最紧要系公司可以集资上巿
 穷人嘅事　事不关己　话之你死 你死你事
 所以　根本　穷人憎嘅唔系有钱人
 穷人最憎嘅系为富不仁嘅贱人
 
 喺香港生活似游戏　唔系个个啱玩
 唔啱穷人玩　穷人负责俾人玩
 你睇下啲地产豪宅起完一间接一间
 我做到隻狗 只够供一块地板
 为一个私人空间　走去死悭烂悭
 正常一日三餐我悭到一日一餐
 返工由朝早我踩够两更　踩到半夜三更
 廿年后啱啱够首期　供发水楼一间
 争银行嘅钱仲争三十年要还
 啲利息多到够我买多一间
 点解香港人要有间屋都咁艰难
 点解成世人都系咁俾地产玩残
 
 又话人人平等
 又唔见你哋啲钱　系人人平分
 你哋所谓经济平稳　就系财富分配不均
 可以控制钱银嘅永远系一小撮人
 功能组别嘅功能　就系财团嘅护身
 官商勾结　一早系旧闻
 剥削小巿民　穷人叫天不应　叫地不闻
 穷人好听叫做基层　穷到就嚟变饥民
 有钱人　如果你仲未明　点解会俾人怨恨
 我请你抚心自问　问一问你嘅良心
 我上述讲嘅种种恶行　你有冇份