作词 : King James V, Stewart ...
THE GABERL
UNZIEMAN Oh the pawky auld carle cam o'er the lea 
Wi' mony guid-e'ens and guid-days tae me 
Sayin', "Guid wife for your charity Would you lodge a leal poor man?" 
Laddie wi my tow-ro-ae 
Well the nicht being cauld, the carle being wat 
It's doon ayant the ingle he sat 
My dochters shouthers he began tae clap 
And cadgily ranted and sang 
Laddie wi' my tow-ro-ae 
Between the twa was made a plot 
They'd rise a wee afore the cock 
And wilily they shot the lock 
And fast to the bent they are gane 
Laddie wi' my tow-ro-ae 
The aul wife gaed whaur the beggar lay 
The strae was cauld, he was away 
She clappit her hands cryin "Waladay! For some of our gear will be gane" 
Laddie wi my tow-ro-ae 
The servant gaed whaur the dochtor lay 
Th sheets were cauld, she was away 
And fast to the guid wife she gan say "Shes awa wi the Gaberlunzieman" 
Laddie wi' my tow-ro-ae "O fy gar ride and fy gar rin And haste ye find these traitors again! For she's be burnt and he's be slain The wearyful beggarman" 
Laddie wi' my tow-ro-ae 
Meanwhile farhind oot o'er the lea 
Fu-snug in a glen where nane could see 
The twa wi' kindly sport and glee 
Would lo'e the hale day lang 
Laddie wi' my tow-ro-ae 
Oh the lady cam riding o'er the lea, efter mony years her guidwife tae see 
She had wedded a lord, nae begger he, 
That had gaed as the beggarman 
Laddie wi' my tow-ro-ae 
Well the lady came riding o'er the strand 
Wi' fower and twenty at her command 
She was the brawest in the land 
And she went wi' the beggarman 
Laddie wi' my tow-ro-ae